الفارس الملثم
مدير المنتدى
عدد المساهمات : 316
نقاط : 5476
تاريخ الميلاد : 03/04/2000
العمر : 24
الموقع : في احلامك انت فقط انتظرني
العمل/الترفيه : العمل لسة بس انا قربت
المزاج : لزيز و رايق
 | | موضوع: اجمل قصيدة الإثنين مايو 14, 2012 11:45 am | |
|
غابت ثمان سنين حـلّ وترحـال
غابـت ثمان كلهـا مدلهـمّـة
قضيتها بالحب والشـوق رحـال
شوق تحدى كـل يائـس وهمـه
سألت عنها سنين وشهور وليـال
ولافيه درب غيـر وجهـت يمّـه
وعقب الثمان اللي تعبها برى الحال
جاب الزمان الكارثـة والمطمّـة
جاني ولدها مبتسم بيـن الأطفـال
ومن بسمته ذكرت أنا بسمة أمّـه
شفته وصاحت داخلي كل الآمـال
بصوت ٍ عجزت بكتم الأنفاس ألمّه
ركضت له ودمعي على الخد همّال
ومن كثر شوقي قمت بالحيل أضمّه
لحظة حضنته والطفل في يدي مال
شميت ريحتها على اطراف كمـه
ليت الغياب اللي شغل غربتي طال
ولا دور العاشق على حرق دمـه
وأستلهمت نفسي مقادير الأهـوال
وتمّ الضّياع وأكّـدت لـي متمّـه
واليوم بنت الناس في بيت رجّـال
وحب على غير الشرف لي مذمّـه
لازم أعود وأشتكي لكل الأجيـال
بنفـس حزينـة كائبـه مستهمّـه
برجع غريب ٍسكّته شوك ورمـال
يموت يحيـى يندفـن مـا يهمّـه
| |
|
